Búmerkið hjá Samsjón ímyndar ein ´Brock string´, sum er eitt einfalt venjingartól til sjónvenjing.
Tað var Frederick W. Brock (1899–1972), optometristur úr Sveits og undangongufólk í menningini av sjónvenjing, sum menti hetta einfalda venjingaramboðið.

Brock string er eitt band við nøkrum kúlum á. Venjingin inniber at persónurin skal halda tann eina endan inn at nøsini og síðani venja m.a. við at skifta fokus á tær ymisku kúlurnar. Hetta stimbrar samstarvið millum bæði eyguni, og soleiðis eisini samsjónina.

Ymisk útgerð verður brúkt til sjónvenjing, og týdningarmikið er, at tú brúkar røttu útgerðina til júst tínar trupulleikar. Skeiv útgerð ella skeivar venjingar kunnu í ringasta føri gera tína samsjón verri.

Ivast tú í, um tú hevur góða samsjón, ert tú vælkomin til eina kanning. Tú kanst eisini lesa meira um, hvat ein góð samsjón er her á heimasíðuni.