Dagføring 10. november 2021:

Nú eisini brilluhandil

Samsjón hevur avgjørt at víðka um sítt virksemi. Higartil hava vit gjørt sjónkanningar og sjónvenjingar. Men frá uml. miðjan november fer Samsjón nú eisini at selja brillur. Ein partur av sjónsklinikkini er innrættaður til brilluhandil við stórum úrvali av brillum til kvinnur og menn, – børn, ung, vaksin og eldri. Í fyrstu atløgu er ætlanin at hava handilin opnan týsdag, hósdag og leygarmorgun. Hinar dagarnar verður arbeitt við sjónvenjing og sjónkanningar verða gjørdar eftir avtalu. 

Heimasíðan endurnýggjast

Í sama viðfangi eru vit eisini farin undir at endurnýggja heimasíðuna. Hon kemur út fyrsta dagin. Fylg annars við okkara virksemi á Facebook.

————

Samsjón er ein sjónsklinikk.

Vit gera bæði vanligar og  víðkaðar sjónkanningar. Les meira um hetta undir yvirskriftini Tænasta og prísir.

Haraftrat hava vit serkunnleika í at geva serligar venjingar í mun til samsjónstrupulleikar hjá børnum, ungum og vaksnum. Hetta kallast sjónvenjing, – á donskum synstræning og á enskum visual training. Les meira um hetta undir yvirskriftunum omanfyri.

Vit eru eisini virkin á facebook. Har kanst tú m.a. lesa um fleiri góð úrslit, sum viðskiftafólk hjá Samsjón hava fingið. Trýst her.

Um tú vilt vita meira ella bíleggja eina tíð, ert tú vælkomin at ringja ella skriva, so avtala vit eina tíð, sum passar tær. Ring á fartelefon 250800 ella skriva til samsjon@samsjon.fo.

Tá børn koma til kanningar hjá Samsjón, er niðurstøðan í summum førum tann, at barnið fær mest gagn av at gera grundleggjandi SI-venjingar, áðrenn tað fer undir sjónvenjingar. Í hesum førum fær barnið bjóða eitt skeið við SI-venjingum, sum Lis stendur fyri. Tá SI-venjingarnar hava stimbrað og styrkt barnið so mikið, at tey eru klár til sjónvenjingar, heldur barnið fram hjá Karinu við nýggjum venjingum. Soleiðis fær barnið tí best møguligu hjálpina í mun til sínar avbjóðingar.

Samstarvið við Lis Sørensen gevur Samsjón møguleika at bjóða eina breiðari og meira grundleggjandi tænastu, sum er barninum til frama.